ஆலூ பராத்தா இதனை  அதிகமாக வட இந்தியர்கள் தான் முன்பு சமைத்து வந்தார்கள். இப்ப நம்ம பக்கமும் அதிகமாக செய்கிறார்கள்..   பக்குவமாக எல்லாம் அமைந்துவிட்டால் செய்வது ரொம்ப ஈசி தான். ஸ்டெப் பை ஸ்டெப் போட்டோ போட்டுயிருக்கிறேன்..

 தேவையான பொருட்கள்:

கோதுமை மாவு - 2கப்
தண்ணீர் - 1 1/2 கப் ( தேவைக்கு சேர்த்து பிசையவும்)
உப்பு - தேவைக்கு

அதிகம் தண்ணீர் இல்லாமல் சப்பாத்தி மாவு பிசையும் பதத்தில் பிசைந்து தனியாக வைக்கவும்.

 ஸ்டப்பிங்:
உருளை கிழங்கு - 8 - 10 (வேக வைத்து மசத்திக்கொள்ளவும்)
பொடியாக அறிந்த வெங்காயம் - 1
மிளகாய்த்தூள் - 2ஸ்பூன் (காரம் தேவைக்கு)
பொடியாக அறிந்த பச்சமிளகாய் - 1
கரம் மசாலா -  1/2ஸ்பூன்
பொடியாக அறிந்த கொத்தமல்லி - 3ஸ்பூன்
சாட் மசாலா - 1/4ஸ்பூன்
உப்பு - தேவைக்கு
தாளிக்க:
எண்ணெய் - 2ஸ்பூன்
கடுகு - 1/2ஸ்பூன்
சீரகம் - 1/2ஸ்பூன்

 செய்முறை:
ஒரு கடாயில் எண்ணெய் ஊற்றி காய்ந்தவுடன் கடுகு, சீரகம் போட்டு தாளிக்கவும்.

உருளைகிழங்கை தண்ணீர் ஊற்றி வேக வைத்து மசித்துக்கொள்ளவும். ஸ்டப்பிங் செய்ய தேவையான பொருட்களை ஒன்றன் பின் ஒன்றாக சேர்க்கவும். இதில் தாளிப்பினை சேர்த்து நன்றாக பிசையவும்.

 இதனை கொஞ்சம் சிறு உருண்டைகளாக உருட்டவும்

 பிசைந்த வைத்த சப்பாத்தி மாவினை கொஞ்சம் பெரிய உருண்டைகளாக உருட்டி வைக்கவும்.

 சப்பாத்தி மாவினை சப்பாத்தி கட்டை வைத்து கொஞ்சம் கணமாக தேய்க்கவும்.( மாவு உருண்டையினை சிறுது மாவில் தோய்த்து தேய்க்கவும்) அதன் நடுவில் உருளை ஸ்டப்பிங்கை உள்ளே வைக்கவும்.

 சப்பாத்தி மாவினை இப்படி மூடி விடவும்.

 மெல்ல அதனை உருண்டைகளாக உருட்டி வைக்கவும்.

 இதனை அதிகம் அலுத்தம் கொடுக்காமல் மெல்ல தேய்க்கவும். (ஸ்டப்பிங் வெளி வராமல் மெதுவாக தேய்க்கவும்)

 சப்பாத்தி கல்லில் சூடு ஏறிய பிறகு சிறுது  எண்னெய் ஊற்றி பராத்தாவை போடவும். ஒரு பக்கம் வெந்த பிறகு திருப்பி போடவும். இரு பக்கமும் வெந்த பிறகு எடுக்கவும்.

 ரய்த்தா வைத்து சாப்பிட சுவையாக இருக்கும்..