அதிசய செய்திகளும், அபூர்வ தகவல்களும்

வினோத மனித சங்கங்கள்

1.  அழுகைச் சங்கம் என்று நியூயார்க்கில் உள்ளது. துன்பத்தில் உழலும் பேர்வழிகள் இதில் உறுப்பினராகச் சேர்த்துக் கொள்ளப்படுவர்.  சங்க மையத்தில் அமைந்த மண்டபத்தில் அனைவரும் ஒரே சமயத்தில் விக்கி, விக்கி அழுவர்.

2.  ஊரையும், கண்ணையும் கெடுக்கும் சுவரொட்டிகளைக் கிழித்தெறிய ஒரு சங்கம் மும்பையில் தோன்றியுள்ளது.  இந்தச் சங்க உறுப்பினர்களின் வேலை சுவரொட்டிகளைக் கிழிப்பது.

3.  பாராளுமன்றத்தில் உள்ள பருமனானவர்களை ஒன்று கூட்டி, 'பீம சேனன் சங்கம்' ஆரம்பித்தார் அந்நாளைய பிரபல எம்.பி. பிலுமோடி.

4.  'புட்டி கிளப்' - கடலில் பயணம் செய்பவர்கள் கண்ணாடிப் புட்டிக்குள் கடிதங்களை அடைத்து, கடலில் மிதக்க விடுவர்! பல நாடுகளில் இவற்றைக் கண்டெடுத்தவர்கள் நிறுவிய சங்கமே 'புட்டி கிளப்'.

5.  பிறவியிலேயே இடது கையால் எழுதுபவர்களை ஒன்றுபடுத்த 'இடது கையால் எழுதுவோர் சங்கம்' ஒன்று கோவையில் அமைக்கப்பட்டுள்ளது.

6.  எடுத்தற்கெல்லாம் சங்கம் அமைப்பதை எதிர்த்து ஜெர்மனியில் ஒரு சங்கம் ஏற்படுத்தப் பட்டுள்ளது. இச்சங்கத்தின் பெயர் 'கடைசி சங்கம்'.


நன்றி:-அதிசய செய்திகளும், அபூர்வ தகவல்களும்